Gruppo Folcloristico Pasian di Prato APS

Publicazions Video

In graciis di cierts components apassionâts video amadôrs, si è rindude pussibile la trasposizion des tradizions e de storie dal passât che a tornin a vivi a mieç di filmâts. O podìn vivi par esempli la vite paisane e contadine di un timp cu lis video cassetis “CAMMINANDO INSIEME” dal 1990, trente agns di vite di un paîs, tant che Pasian di Prât, contâts a mieç des vicendis dal so Plevan, e “LUSIGNIS E STELIS” dal 1996, une union tra musiche e imagjins che a contin i sintiments e la vite di un timp, dominade de spontaneitât des danzis dal Grup Folcloristic. Usancis e costums invezit a cjapin vite intal video “CHEL GRIMÂL DI SEDA NERA” dal 1993 che al cjape dentri une siore colezion di cjartulinis de epoche.

Un vêr e propri film al è ce che il public al pues rimirâ intes dôs videocassetis de “LIS STAGJONS DE SPERANCE”, distribuidis a mieç dal cuotidian Messaggero Veneto tal 1999, li che e ven riproponude la vite furlane di un timp in Friûl, tal alternâsi des stagjons. A mieç di bai, poesiis, cjants e musichis si riproponin i rîts e lis tradizions che a segnin l’an: dal impiament dal pignarûl, a lis scampagnadis sui prâts “Il Lunis di Pasche”, de “barcjute di Sant Zuan”, ai rituâi in ocasion des fiestis di Pasche o di Nadâl. Al scrîf Silvano Bertossi inte presentazion: “la conte dal video e piture il Friûl, chel che si esprim cun moments coletîfs di gjonde e serenitât peâts aes stagjons e ae nature in pâs cun se stesse e cu la anime de int (….) lis tradizions e la storie dal passât a vivin ancje a mieç dal folclôr che al è bon di creâ fuartis emozions. Emozions vivis, spieli di une civiltât di un popul che al scuen fâ di dut par mantignî la sô identitât.” Di chest video al è stât realizât ancje un CD cu la colone sonore.

1990 – Camminando insieme  Videofolk P. di P. – Videocassetta

1993 – Chel Grimal di seda nera – Videofolk P. di P. – Videocassetta

1996 – Lusignis e stelis – Videofolk P. di P. – Videocassetta

1998 – Lis Stagjons de Sperance – Gr. Folcloristico Pasian di Prato – Messaggero Veneto Videocassetta

2005 – Strade de cros – Videofolk P.d.P.

                       

2005 – Voi di Sisile – Gr. Folcloristico Pasian di Prato

2009- Ben Tornade Primevere – Gr.Folcloristico Pasian di Prato

Altre partecipazioni…

2006 – Tesaur dal Folclor – AGFF – Regia di Giorgio Miani